Սաուդյան Արաբիայում պատրաստ են Մեսսիին Ռոնալդուից կրկնակի շատ վճարել

Սաուդյան Արաբիայի կառավարությունը պատրաստ է պայմանագրային առաջարկ անել «Պարի Սեն Ժերմենի» և Արգենտինայի հավաքականի հարձակվող Լիոնել Մեսսիին։ Այս մասին հայտնում է The Telegraph-ը։

Հրատարակության տվյալներով՝ եթե 35-ամյա հարձակվողը տեղափոխվի Սաուդյան Արաբիայի առաջնության ակումբներից մեկը, ապա կկարողանա տարեկան 400 մլն եվրո (320 մլն ֆունտ ստեռլինգ) աշխատավարձ ստանալ։ «Ալ Նասրի» պորտուգալացի խաղացող Կրիշտիանու Ռոնալդուն վաստակում է 165 միլիոն ֆունտ ստեռլինգ:

Մոտ ժամանակներս Սաուդյան Արաբիայի կառավարության ներկայացուցիչները բանակցություններ կվարեն Մեսսիի հոր հետ։

Ավելի վաղ ՊՍԺ-ի մարզական տնօրենը Լիոնել Մեսսիին ասել էր, որ նրա նկատմամբ կարգապահական վարույթ է սկսվել Սաուդյան Արաբիա մեկնելու պատճառով։