Պայթյուններ Կիևում և Օդեսայում. Ռուսաստանը անօդաչու սարքերով ու հրթիռներով գրոհել է Ուկրաինայի վրա
Լուսանկարներ
Մայիսի 4-ի գիշերը Ռուսաստանը կամիկաձե անօդաչու սարքերով և հրթիռներով (հավանաբար բալիստիկ) հարձակվել է Կիևի վրա։ Այս մասին հայտնել է Կիևի քաղաքային ռազմական վարչությունը, գրում է Obozrevatel-ը։
Ինչպես նշվում է, Ռուսաստանը համապարփակ օդային հարված է հասցրել մայրաքաղաքին, տագնապի ահազանգը տևել է ավելի քան 3,5 ժամ։
«Ռուսները հարձակվել են Կիևի վրա՝ օգտագործելով «Շահեդ» տեսակի հրթիռներ, հավանաբար բալիստիկ», - ասել են վարչությունից՝ հավելելով, որ օգտագործված հրթիռների վերջնական տեսակը կորոշվի միայն բեկորների ուսումնասիրությունից հետո:
Նախնական տեղեկությունների համաձայն՝ հակաօդային պաշտպանության ուժերի կողմից Կիևի օդային տարածքում ոչնչացվել են Ռուսաստանի բոլոր հրթիռները և անօդաչու թռչող սարքերը։
«Ըստ օպերատիվ տվյալների՝ խաղաղ բնակչության շրջանում զոհեր և բնակելի օբյեկտների կամ ենթակառուցվածքների ավերածություններ չկան: Մայրաքաղաքի առանձին հատվածներում արձանագրվել է բեկորների անկում, սակայն դրանք վնաս չեն պատճառել մարդկանց, լուրջ վնաս է հասցվել քաղաքի շենքին»,- հայտնել են Կիևի ռազմական վարչությունում։
Մայիսի 4-ի գիշերը Կիևի և Օդեսայի շրջաններից բացի՝ օդային տագնապի ժամանակ պայթյուններ են որոտացել նաև Զապորոժիեում։
Ամենադիտված 
ՀՀ ՊՆ–ն հայտարարություն է տարածել
