«Կորուստը պիտի դառնա վերագտնելու նպատակ, տատանումներն ու կասկածները՝ որոշում»․ Նազենի Հովհաննիսյան
Ժամանց
Հաղորդավարուհի, դերասանուհի Նազենի Հովհաննիսյանն իր ինստագրամյան էջում նոր գրառում է կատարել՝ գրելով․
«Սուգը պիտի դառնա պայքար ու հաղթանակ, այլապես դատարկ ինքնատանջում է: Ամուլ:
Կորուստը պիտի դառնա վերագտնելու ՆՊԱՏԱԿ, որ հաղթանակներ ծնի:
Տատանումներն ու կասկածները՝ ՈՐՈՇՈՒՄ:
Շուշին խորհուրդ ունի. կյանքի ու հաղթանակի խորհուրդ, ՉԿՈՏՐՎԵԼՈՒ խորհուրդ:
Մենք արդե՛ն կոտրվում են մեր մտքերից ու հուսահատությունից, էլ ուր մնաց ուղիղ նայենք փաստերին ու դաժան ճշմարտությանը:
Բայց, որ օրը իրականությեւնն ընդունելու և հասկանալու ուժ գտանք՝ կվերփոխենք ու կբուժվենք:
Մի օր պիտի վերջապես ՆՈՐԻՑ կերտենք ՄԵՐ պատմությունն ու որոշենք, իրական դարձնենք մե՛ր ճշմարտությունը:
Ես պիտի տեսնեմ էն օրը, երբ Մայիսը վերստին լինի հաղթանակի. ուժի ու միասնության ամիս:
Հ.Գ. Մեր երկիրը Գանձ է: Մենք չապրենք ու չստեղծենք, չպայքարենք ու չպաշտպանենք... կտանեն:
Գանձերից ո՞վ կհրաժարվի:
Աշխարհում միակ թուլությունս ու ամենամեծ ուժս իմ Հայրենիքն է:
Վառ պահեք հիշողության կրակը, որ բոցավառվի արդար ցասումով»:
Ամենադիտված 
Մնաս բարյավ. Րաֆֆի Հովհաննիսյան
