Կումայրիի բաժնի ծառայողները զինաթափել և ձերբակալել են Գյումրիում նռնակ պայթեցնելու սպառնալիք հնչեցրած տղամարդուն
Հասարակություն
ՀՀ ՆԳՆ ոստիկանության Շիրակի մարզի օպերատիվ կառավարման կենտրոն մայիսի 13-ին զանգահարած 73-ամյա գյումրեցի կինը հայտնել է, որ հարևանն ընդհանուր բակում սպառնում է պայթեցնել ձեռքի նռնակը:
Ինչպես տեղեկացրին ՀՀ ներքին գործերի նախարարության ոստիկանությունից, Մյասնիկյան փողոցի նշված հասցե ոստիկանության Կումայրիի բաժնից օպերատիվ խումբ է մեկնել: «Ոստիկանները տներից մեկի դռան մոտ նկատել են 52-ամյա տանտիրոջը: Նա սպառնում էր պայթեցնել «Ֆ-1» տիպի պայթուցիչով նռնակը՝ պահանջելով, որ կինն ու որդին տեսակցեն իրեն»,- ասվում է հաղորդագրության մեջ:
Ըստ աղբյուրի՝ Կումայրիի բաժնի ղեկավարության բացատրական աշխատանքի շնորհիվ տղամարդը զինաթափվել է: Նա ձերբակալվել և տեղափոխվել է ոստիկանության Կումայրիի բաժին:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
