Նախարարի հուշարարը
Վերջին լուրեր
Նախարարները, պարզվում է, օգնականներից, խորհրդականներից, վարորդներից, քարտուղարուհիներից զատ, ունեն նաև հուշարարներ: Հուշարարների անհրաժեշտությունը ծագում է, բնականաբար, ներկայացումների ժամանակ: Ֆինանսների նախարարի համար ներկայացումը, ընդ որում՝ գլխավոր դերով, Ազգային ժողովում բյուջե ներկայացնելն է: Հենց այդ ժամանակ էլ նախարարն առավել քան երբևէ հուշարարի կարիք է ունենում:
Ֆինանսների նախարար Վաչե Գաբրիելյանի հուշարարը, պարզվում է, Պավել Սաֆարյանն է, ով համատեղության կարգով նաև փոխնախարարի պաշտոնն է զբաղեցնում: Երեկվա բյուջեի խորհրդարանական քննարկումների ժամանակ Սաֆարյանն ու Գաբրիելյանը պարզապես մի հոգի ու մի մարմին էին դարձել, ավելի շուտ, Սաֆարյանն էր ձգտում զգալ Վաչե Գաբրիելյանի սրտի զարկերը, նրա մտքի սլացքը, թե ինչ պատասխան կարող է տալ, ուր կարող է տանել այդ պատասխանը, ինչ անել, որ այդտեղ չտանի, և այսպես շարունակ: Հենց այն րոպեին, երբ որևէ պատգամավոր բերանը բացում էր մի բան հարցնելու, նախարարի հուշարարն ամբողջ մարմնով դառնում էր մի զույգ ականջ, հետո արդեն ամբողջ ուշադրությունը գամում էր շեֆին և հենց զգում, որ շեֆն ինչ-որ բան այնպես չի հասկացել, հանկարծ ու կարող է սխալ թույլ տալ, միանգամից նետվում էր խաղադաշտ ու զուգորդելով պաշտպանի, կիսապաշտպանի ու հարձակվողի դերերը՝ արժանի հակահարված հասցնում իր սիրելի ու աննման շեֆին բան ասողին:
ՈՒՂԻՂ ԵԹԵՐ
Ամենադիտված 
Ընտանիք․ Անահիտ Կիրակոսյանի նախկին ամուսինը նոր լուսանկար է հրապարակել (Լուսանկար)
