«Մենք խնդրել ենք Ադրբեջանին ապաշրջափակել Լեռնային Ղարաբաղը, բայց նրանք մեր խնդրանքը չեն կատարել, մենք ի՞նչ անենք»․ Արմեն Աշոտյանը մեջբերել է Բորելին

ՀՀԿ փոխնախագահ Արմեն Աշոտյանը գրել է․

«Եվրոպական խորհրդարանում մեկնարկել է Հայաստանի եւ Ադրբեջանի միջեւ հարաբերությունների եւ Լեռնային Ղարաբաղի ու Լաչինի միջանցքի շուրջ հարց ու պատասխանը ԵՄ գլխավոր դիվանագետ Ժոզեպ Բորելի հետ։

Այս պահին ընթացող քննարկումներն ապացուցում են, որ Եվրոպական խորհրդարանում բազմաթիվ պատգամավորներ շատ լավ են հասկանում իրավիճակը։

Հնչում են սուր հարցեր Ադրբեջանի կողմից իրականացվող հակահայկական քաղաքականության, հնարավոր սանկցիաների, ռազմագերիների մասին։

Սակայն ԵՄ գլխավոր հանձնակատարն ի ցույց է դնում ցինիկության, հարցերից փախչելու, երկդիմիության, իրեն ջրախողովակի տեղ դնելու ողջ արսենալը։ Ոչ մի հստակ պատասխան, ոչ մի շիտակ գնահատական, ոչ մի կոնկրետ հանձնառություն։

Միայն լոլոներ, անգիր արած տողեր ԵՄ մոնիթորինգային առաքելության մասին։ Ամենադառը ժպիտն առաջացրեց նրա հետեւյալ միտքը. մենք խնդրել ենք Ադրբեջանին ապաշրջափակել Լեռնային Ղարաբաղը, բայց նրանք մեր խնդրանքը չեն կատարել. մենք ի՞նչ անենք…

Ու սա ասում է մի կառույցի ներկայացուցիչ, որը ջանք ու միջոց չի խնայում մեկ այլ կոնֆլիկտում հստակ ռազմական, ֆինանսական, քաղաքական օգնություն ցուցաբերելու։

Մի կառույցի ներկայացուցիչ, որի հովանու ներքո Նիկոլը բանակցում է Արցախը Ադրբեջանին հանձնելու հարցը «միջազգային մեխանիզմի» ներքո։

Այս նիստը հերիք է՝ կրկին արձանագրելու համար, որ միջազգային երաշխիք կոչվածը լինելու է Ադրբեջանի կողմից անպատժելիորեն մերժվող միջազգային «խնդրանքների» շարք։

Բա որ ասում եմ, որ Նիկոլ վարչապետ ունեցող ազգի վրա կարող են եւ ղժժում են բոլորը…

Mr Borell , your today’s behavior is a shame to the European Union, to the European values and to the universal justice.

I sincerely thank all honest and outspoken members of the European Parliament for their support and solidarity with the people of Nagorno Karabakh».