Ֆալկաոն գերազանցեց Մեսսիին և Ռոնալդուին

Իսպանական AS պարբերականը հարցում է անցկացրել իր ընթերցողների շրջանում, վերջիններիս կարծիքով տարվա լավագույն ֆուտբոլիստին պարզելու համար:

Հարցման արդյունքում Մադրիդի «Ատլետիկոյի» հարձակվող Ռադամել Ֆալկաոն գերազանցել է բոլորին: Կոլումբիայի հավաքականի ֆուտբոլիստի օգտին քվեարկել է 11970 երկրպագու: «Բարսելոնայի» հարձակվող Լեոնել Մեսսին ստացել է 10394, իսկ Մադրիդի «Ռեալի» ֆուտբոլիստ Քրիշտիանու Ռոնալդուն՝ 4311 ձայն:

Նշենք, որ իսպանացի ֆուտբոլիստներից ամենաշատ ձայները հավաքել է Իկեր Կասիլյասը: Իսպանիայի հավաքականի դարպասապահի օգտին քվեարկել է 2249 երկրպագու: