Հենրիկ Մխիթարյանը՝ Չեմպիոնների լիգայում «Շախտյորի» լավագույն գոլի հեղինակ

Դոնեցկի «Շախտյորի» պաշտոնական կայքը հարցում է անցկացրել իր ընթեցողների շրջանում՝ Չեմպիոնների լիգայում «Շախտյորի» լավագույն գոլի հեղինակին որոշելու համար: Քվեարկությանը մասնակցած 557 երկրպագուներից 100-ը (17,95%) իր ձայնը տվել է Ալեքս Տեյշեյրային՝ «Շուվենտուսի» հետ խաղում Բուֆոնի պաշտպանած դարպասը գրավելու համար: Երկրորդ տեղում գտնվում է Ֆերնանդինյոն  (136 ձայն՝ 24,42%) «Չելսիի» դարպասն ուղարկած գոլի համար:

Լավագույն գոլ ճանաչվել է Հենրիկ Մխիթարյանի  «Նորդշելանդի» դարպասը ուղարկված գոլը: Հայաստանի հավաքականի կիսապաշտպանի օգտին քվեարկել է 203 հոգի՝ քվեարկությանը մասնակցած երկրպագուների 36,45%-ը: Հիշեցնենք, որ «Շախտյորի» ռմբարկուն մեկ հպումով գնդակը ուղարկեց մրցակցի դարպասը. տեղեկացնում է «հանքափորների» պաշտոնական կայքը:

Նշենք, որ Մխիթարյանի երկրորդ գոլը՝ ուղարկված «Նորդշելանդի» դարպասը, նունպես ընդգրկվել է «Շախտյորի» լավագույն գոլերի հնգյակում։ Երկրորդ գոլի օգտին քվեարկել է 57  երկրպագու (10,23%):

5-յակն ունի հետևյալ տեսքը.

Հենրիկ Մխիթարյան – «Շախտյոր» – «Նորդշելանդ» – 2:0 (1-ին գոլ) 203 (36,45%)

Ֆերնանդինյո – «Շախտյոր» – «Չելսի» – 2:1 136 (24,42%)

Ալեքս Տեյշեյրա – «Յուվենտուս» – «Շախտյոր» – 1:1 100 (17,95%)
Ալեքս Տեյշեյրա – «Շախտյոր» – «Չելսի» – 2:1 61 (10,95%)
Հենրիկ Մխիթարյան – «Շախտյոր» – «Նորդշելանդ» – 2:0 (2-րդ գոլ) 57 (10,23%)