Բելգիայում բանտի աշխատակիցները կորցրել են 180 խցիկների բանալիները
Վերջին լուրեր
Բելգիական Լևեն քաղաքի բանտում արդեն մեկ շաբաթ է՝ չեն կարողանում գտնել բանտարկյալների 180 խցերի բանալիները: Ինչպես այսօր հաղորդում է ИТАР-ТАСС-ը՝ հղում կատարելով բելգիական Het Laatste Nieuws-ին. կորստի մասին հայտնի է դարձել այն բանից հետո, երբ վարչակազմը որոշել է փոխել բանտի ամենակարևոր կողպեքները:
Պարբերականի տվյալներով՝ բանալիների տրցակը, որը բանտի հոգևորականների մոտ էր գտնվում, կորել է հինգշաբթի օրը: Տրցակում եղել է բանտախցիկները բացող 180 բանալի, ևս 20-ը, որոնք բացում էին բանտի տարբեր մասնաշենքերի դռները: «Նրանց գտնողին խոստանում ենք լիակատար ազատություն բանտի պատերի ներսում»,-հայտարարել են բանտի մտահոգ աշխատակիցները:
Վերակարգի համաձայն՝ վարչակազմը պարտավոր էր կորստյան մասին անմիջապես հայտնել ղեկավարությանը, սակայն բանտի աշխատակիցները չեն շտապել լուրը բարձրաձայնել՝ հուսալով վերագտնել կորուստը:
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
