ԱՄՆ բնակիչը դատապարտվել է Սիրիայից հին հռոմեական խճանկարի անօրինական արտահանման համար

ԱՄՆ դաշնային դատարանը Փալմդեյլի բնակչին մեղավոր է ճանաչել 2000 տարվա հնություն ունեցող հռոմեական խճանկարի մաքսանենգության մեջ, որն արտահանվել է Սիրիայից երկրի քաղաքացիական պատերազմի ամենաթեժ պահին: Այս մասին հայտնում է CBS հեռուստաալիքը։

ԱՄՆ արդարադատության նախարարության տվյալներով՝ Մոհամադ Յասին Ալչարիհին խճանկարը գնել է 2015 թվականին։ Արվեստի գործը պատկերում է Հերակլեսին, որը փրկում է Պրոմեթևսին: Նշվում է, որ 56-ամյա տղամարդը վճարել է 12000 դոլար և չի տեղեկացրել մաքսատանը, որ ներկրում է սիրիական հնություններ: Փոխարենը, Ալչարիհին ստել է մաքսային միջնորդին և պնդել, որ Թուրքիայից կերամիկական սալիկներ է ներկրում 600 դոլարից պակաս արժողությամբ: Փորձագետը խճանկարի արժեքը գնահատել է 450 հազար դոլար:

Ալչարիխիի հանցագործությունը կատարելուց ամիսներ առաջ ՄԱԿ-ի Անվտանգության խորհուրդը բանաձեւ է ընդունել, որով դատապարտում է Սիրիայում մշակութային ժառանգության ոչնչացումը։ Ամբաստանյալին սպառնում է մինչև երկու տարվա ազատազրկում։ Սպասվում է, որ նա կդատապարտվի օգոստոսի 31-ին։