Սիրիահայերին աշխատանքի տեղավորելու հարցը՝ առաջնահերթություն
Վերջին լուրեր
Հոկտեմբերի 31-ը, որպես ամսվա վերջին չորեքշաբթի, ՀՀ սփյուռքի նախարարի՝ քաղաքացիների ընդունելության օրն էր:
Նախարար Հրանուշ Հակոբյանն ընդունեց Հայաստանից և Սփյուռքից ժամանած բազմաթիվ քաղաքացիների:
Նախարարին դիմեցին սիրիահայեր, ում համար շարունակում է առաջնահերթ մնալ աշխատանքի տեղավորման հարցը, բարձրացվեցին այլ հարցեր ևս: Նախարարը նրանց ուղղորդեց «Սիրիահայերի հիմնախնդիրները համակարգող կենտրոն» հասարակական կազմակերպություն, ինչպես նաև տեղեկացրեց, որ սիրիահայերի հիմնախնդիրները ՀՀ կառավարության բոլոր գերատեսչությունների և համահայկական կազմակերպությունների ուշադրության կենտրոնում են:
Տարբեր երկրներից ժամանած սփյուռքահայերը նախարարին փոխանցեցին իրենց երկրների հայ համայնքներից շնորհակալական խոսքեր՝ ՀՀ սփյուռքի նախարարության իրականացրած գործունեության համար:
ՀՀ սփյուռքի նախարար Հրանուշ Հակոբյանը, լսելով յուրաքանչյուր հարցադրում, հանձնարարականներ տվեց նախարարության ստորաբաժանումներին՝ առավելագույն սեղմ ժամկետներում ուսումնասիրել բոլոր խնդիրները և ապահովել դրանց իրականացումը:
ՈՒՂԻՂ ԵԹԵՐ
Ամենադիտված 
Սպանություն է տեղի ունեցել Երևանում
