Երևանում բանջարեղենի և կարտոֆիլի գներն աճել են 10.9 %-ով

2012թ. հոկտեմբերին, սեպտեմբերի համեմատ, հանրապետությունում արձանագրվել է պարենային ապրանքների 2.1% գնաճ, ինչը հիմնականում ձվի, հացամթերքի, կենդանական և բուսական յուղերի, մրգի, բանջարեղենի և կարտոֆիլի ապրանքախմբերի 2.5-9.0% գնաճի արդյունք է:

Դիտարկվող պարենային 13 ապրանքախմբերից 11-ում նշված ժամանակահատվածում գրանցվել է 0.2-9.0% գնաճ, իսկ 2-ում` 0.4-0.2% գնանկում:

Բանջարեղենի և կարտոֆիլի ապրանքախմբում 2012թ. հոկտեմբերին 2011թ. հոկտեմբերի համեմատ արձանագրվել է 1.2% գնանկում, իսկ 2012թ. սեպտեմբերի համեմատ` 9.0% գնաճ: Վերջինս հիմնականում պայմանավորվել է վարունգի` 15.1%, ծաղկակաղամբի` 15.6%, կաղամբի` 17.3%, սմբուկի`30.9%, կանաչ պղպեղի`32.6%, լոլիկի` 96.6% գնաճով: 2012թ. հոկտեմբերին սեպտեմբերի համեմատ կարտոֆիլի և կանաչ լոբու գներն աճել են համապատասխանաբար 2.4% և 4.0%-ով: Դրան զուգընթաց, հանրապետությունում արձանագրվել է գազարի` 18.7%, կանաչ սոխի` 17.2%, գլուխ սոխի` 7.5%, խառը կանաչեղենի` 6.6%, բողկի` 6.4%, սխտորի` 6.3%, ճակնդեղի` 4.1% գնանկում:

Հանրապետության դիտարկված 10 քաղաքներում 2012թ. հոկտեմբերին սեպտեմբերի համեմատ բանջարեղենի և կարտոֆիլի ապրանքախմբի գներն աճել են 1.5-13.3%-ով (գնաճի ամենաբարձր ցուցանիշն արձանագրվել է ք. Մարտունիում), իսկ մեկում գրանցվել է 2.4% գնանկում:

Մայրաքաղաքում բանջարեղենի և կարտոֆիլի ապրանքախմբի գներն աճել են 10.9 %-ով:

Մրգի ապրանքախմբում 2012թ. հոկտեմբերին 2011թ. հոկտեմբերի համեմատ արձանագրվել է 7.1% գնանկում, իսկ 2012թ. սեպտեմբերի համեմատ` 5.6% գնաճ: 2012թ. հոկտեմբերին սեպտեմբերի համեմատ կիտրոնի գինն աճել է 2.0%-ով, տանձինը` 2.3%-ով, խնձորինը` 4.0%-ով, ադամաթզինը` 4.1%-ով, մանդարինինը` 23.6%-ով, սեխինը` 27.8%-ով, խաղողինը` 34.5%-ով, ձմերուկինը` 48.8%-ով, սալորինը` 53.4%-ով, դեղձինը` 72.2%-ով: Միաճամանակ, հանրապետությունում գրանցվել է արքայանարնջի` 34.2%, նռան` 24.2%, նարնջի` 4.0% գնանկում:

Հանրապետության դիտարկված 10 քաղաքներում 2012թ. հոկտեմբերին սեպտեմբերի համեմատ մրգի գներն աճել են 0.4-9.1%-ով (գնաճի ամենաբարձր ցուցանիշն արձանագրվել է ք. Արտաշատում), իսկ մեկում գրանցվել է 7.8% գնանկում: Մայրաքաղաքում մրգի գներն աճել են 8.2%-ով:

Կենդանական և բուսական յուղերի ապրանքախմբում 2012թ. հոկտեմբերին 2011թ. Հոկտեմբերի համեմատ արձանագրվել է 2.6%, իսկ 2012թ. սեպտեմբերի համեմատ` 3.6% գնաճ: Վերջինս հիմնականում պայմանավորվել է կարագի և արևածաղկի բուսական յուղի` համապատասխանաբար 4.3% և 5.5% գնաճով:

Մարգարինի գինը նշված ժամանակահատվածում աճել է 0.7%-ով: 2012թ. հոկտեմբերին 2011թ. հոկտեմբերի համեմատ հացամթերքի ապրանքախմբում արձանագրվել է 10.0%, իսկ 2012թ. սեպտեմբերի համեմատ` 2.6% գնաճ: Վերջինս մեծապես պայմանավորվել է բարձր և առաջին տեսակի ալյուրի` համապատասխանաբար 2.9% և 3.6%, առաջին և բարձր տեսակի հացի` համապատասխանաբար 3.0% և 3.1%, մակարոնեղենի` 4.7%, հացահատիկի` 5.7% գնաճով:

2012թ. հոկտեմբերին սեպտեմբերի համեմատ հանրապետությունում գրանցվել է նաև սիսեռի` 1.0%, սպիտակաձավարի` 1.0%, ձավարի` 1.4%, բրնձի` 1.5%, հնդկացորենի` 1.5%, լավաշի` 1.7%, լոբու` 2.1% գնաճ: