Ծառայությունների ոլորտում 0.2% գնաճ է արձանագրվել

Բնակչությանը մատուցված ծառայությունների ոլորտում՝ 2012թ. Հոկտեմբերին, սեպտեմբերի համեմատ, արձանագրվել է սակագների 0.2% հավելաճ: Նշված ժամանակահատվածում հանրապետությունում գրանցվել է կրթության համակարգի` 0.1%, բնակարանային կոմունալ` 2%, իրավական ու բանկային` 0.2%, մշակույթի ոլորտի` 0.6%, հանգստի կազմակերպման` 0.8%, հանրային սննդի` 0.8%, տրանսպորտի` 0.9%, կենցաղային բնույթի` 1.0% ծառայությունների սակագների հավելաճ:

Բուժսպասարկման ոլորտում` սակագների մակարդակը նվազել է 0.4%-ով, իսկ կապի ծառայությունների սակագներինը նախորդ ամսվա համեմատ մնացել է անփոփոխ:

Հանրապետության դիտարկված 10 քաղաքներում 2012թ. հոկտեմբերին սեպտեմբերի համեմատ արձանագրվել է ծառայությունների սակագների 0.1-1.3% հավելաճ, իսկ մեկում ծառայությունների սակագների մակարդակը նախորդ ամսվա համեմատ մնացել է անփոփոխ: Մայրաքաղաքում ծառայությունների սակագների մակարդակն աճել է 0.1%-ով: