«Ժողովուրդ». ԱՆհրաժեշտության դեպքում Գագիկ Ծառուկյանը կհանդիպի Լևոն Տեր–Պետրոսյանին

Արտերկրից վերադառնալուց հետո` երեկ, Գագիկ Ծառուկյանը ԲՀԿ քաղխորհրդի ընդլայնված նիստ է արել, որը մի քանի ժամ է տևել: «Ժողովուրդ»-ի աղբյուրների փոխանցմամբ՝ Ծառուկյանն իր երկար ելույթում այդպես էլ որևէ հստակ բան չի ասել իր առաջիկա անելիքների մասին՝ միայն հավաստիացնելով, որ «ամեն ինչ լավ է լինելու, պինդ եղեք»:

Կուսակիցներից մեկի հարցին ի պատասխան՝ ԲՀԿ առաջնորդն ասել է, որ անհրաժեշտության դեպքում, երբ ժամանակը գա, կհանդիպի նաև ՀՀ առաջին նախագահ Լևոն Տեր-Պետրոսյանին: Իսկ թե երբ կգա ժամանակը, չի հստակեցվել: Ներկաներից որևէ մեկը չի համարձակվել Ծառուկյանի ներկայությամբ ակնարկված կոշտ պայքարից հրաժարվելու անհրաժեշտություն առաջ քաշել, միայն նիստից հետո որոշ նախկին պաշտոնյաներ ու գործարարներ նեղսրտել են, թե չեն հասկանում' ինչ է կատարվում: «Ժողովուրդ»-ի բոլոր փորձերը' ԲՀԿ քաղխորհրդի անդամներից մեկնաբանություններ ստանալու, ձախողվեցին: Տպավորություն էր, որ հրահանգված է լռել: