«Հայկական ժամանակ». Արտագաղթի վարակը ներխուժել է թատրոն

«Հայկական ժամանակ»-ի թղթակիցը երեկ շարունակել է հետաքրքրվել, թե տարբեր ոլորտներից քանի մարդ է անվերադարձ լքել Հայաստանը: Պարզվել է, որ արտագաղթի վարակը ներխուժել է Ալ. Սպենդիարյանի անվան օպերայի և բալետի ազգային ակադեմիական թատրոն` վերջին երեք տարվա ընթացքում: Մինչ այդ, ինչպես թերթի թղթակցին հայտնել է թատրոնի տնօրենը, նման երևույթ չի նկատվել: Վերջին երեք տարում այստեղից արդեն տասը հոգի արտագաղթել է. հինգը բալետի դերասաններ են, և բոլորն այժմ աշխատում են Իսրայելում, որտեղ ամսական ստանում են հազար դոլար աշխատավարձ: