Պուտինը շարունակելու է «սնել» Ցխինվալիի բանակը ևս 1,5 տարի

Ցխինվալիի զորքերը մինչ 2014 թվականը կկրճատվեն ավելի քան 250 զինծառայողով. հաղորդում է www.abkhazeti.info լրատվական գործակալությունը:

Նման պայմանավորվածություն ձեռք է բերվել Ցխինվալիի նախագահ Լեոնիդ Թիբիլովի և ՌԴ նախագահ Վ.Պուտինի միջև կայացած հանդիպման ընթացքում: Հատկանշական է, որ համաձայն պայմանավորվածության՝ 2014-ից հետո նշյալ հատվածում ԶՈՒ ստորաբաժանումները ավելի շատ արարողակարգային բնույթ են կրելու: Ուշագրավ է, որ 2008-ին Ցխինվալիի բանակի զինծառայողների թիվը կազմում էր մոտ 3 հազար՝ չհաշված պայմանագրային հիմունքներով զինվորական ծառայության անցած սպաներին, որոնք հիմնականում Հարավային Օսիայի քաղաքացիներ էին: 2010-ին այդ զինծառայողների թիվը ևս կրճատվեց՝ հասնելով 1250 զինծառայողների:

Ռուս փորձագետների գնահատմամբ՝ ՌԴ նախագահի նման որոշումը կապված է ռուս-վրացական հնարավոր պատերազմի վերսկսման վտանգի վերացման հետ: