«Չելսին» պարտության մատնեց «Մանչեսթեր Յունայթեդին» (տեսանյութ)

Անգլիական Գավաթի խաղարկությունում  «Չելսին» հյուրընկալեց «Մանչեսթեր Յունայթեդին»: Հանդիպումն ավարտվեց Դի Մատեոյի թիմի հաղթանակով` 5:4 հաշվով: 

Խաղի  հաշիվը 22-րդ րոպեին բացեց  Ռայան Գիգզը, այնուհետև  Դավիդ Լուիզն, անվրեպ իրացրնելով 11 մետրանոցը, հավասարեցրեց հաշիվը: 43-րդ րոպեին Խավիեր Էրնանդեսն առաջ մղեց Ֆերգյուսոնի սաներին, իսկ  52-րդ րոպեին Կեհիլը երկրորդ գնդակն ուղարկեց հյուրերի դարպասը:

Սակայն «Չելսիի» երկրպագուների ուրախությունը երկար չտևեց. 59-րդ րոպեին  Նանին հեղինակեց «Մանչեսթեր Յունայթեդի» երրորդ գնդակը: Խաղավարտին  Դի Մատեոյի սաներին պարտությունից փրկեց մրցավարի նշանակած 11 մետրանոց հարվածը, որն անվրեպ իրացրեց Եդեն Ազարը` 3:3, և թիմերը հաղթողին որոշեցին լրացուցիչ ժամանակում: 97-րդ րոպեին Սթարիջը, և ապա  116-րդ րոպեին՝ Ռամիրեսը  գրավեցին մրցակցի դարպասը՝ հաշիվը դարձնելով 5-3: Եվ միայն հանդիպման 120-րդ րոպեին մանչեսթերցիներին հաջողվեց խփված գնդակների տարբերությունը հասցնել մեկի` 5-4. գոլը հեղինակեց Ռայան Գիգզը: Խաղի տեսանյութը կարող եք դիտել այստեղ։

Անգլիայի գավաթի խաղարկության մյուս խաղերում գրանցվել են հետևյալ հաշիվները.

Նորվիչ-Տոտենհեմ 2:1

Լիվերպուլ-Սոունսի 1:3