Իսրայելի պաշտպանության նախարարը հանդես է եկել կոշտ հայտարարությամբ

էլեկտրոնային կայք-էջում Իսրայելի պաշտպանության նախարար Էհուդ Բարաքը, կապված իրանական միջուկային ճգնաժամի հետ, հայտարարել է, որ չնայած իր երկիրը դեռ վերջնական որոշում չի կայացրել Իրանի նկատմամբ ռազմական գործողություններ սկսելու հարցում, սակայն հետևողական է լինելու, որ Իրանի նկատմամբ կիրառվող տնտեսական պատժամիջոցներն իրենց իրական արդյունքները տան. հաղորդում է Իսրայելի www.haaretz.com-ը:

Թուրքական CNN Turk լրատվական գործակալության հաղորդմամբ՝ Է. Բարաքը բրիտանական The Daily Telegraph թերթին տված հարցազրույցի ժամանակ նշել է, որ իրենց ունեցած տեղեկություններով՝ իրանական կողմը 2012 թվականի կտրվածքով ստացել է ավելի քան 38% միջին կարգի հարստացված ուրան, որը բավականին լուրջ կասկածի առիթ է տալիս, որ այն չի օգտագործվելու ռազմական նպատակներով:
Ըստ Իսրայելի պաշտպանության նախարարության՝ մինչև տարեվերջ իսրայելական կողմն իր օրակարգում է պահելու Իրանի միջուկային օբյեկտներին դեռևս չհարվածելու հարցը, որը, սակայն, կպայմանավորվի միայն իրանական կողմի առավել զսպված քաղաքական քայլերի արդյունքում: Սակայն, ըստ Է. Բարաքի, իրավիճակը կարող է փոխվել 2013-ին, եթե մինչ այդ իրանական կողմը չկատարի Արևմուտքի կողմից սահմանված պատժամիջոցներով իր պարտավորությունները: Միջազգային փորձագետների գնահատմամբ՝ Իսրայելի ՊՆ հայտարարությունը կապված է ԱՄՆ-ի նախագահական ընտրությունների անցկացման հետ, որը թերևս ժամանակ շահելու հնարավորություն է տալիս և՛ իրանական կողմին, և՛ Արևմուտքին: