ԱՄՆ-ն ուշքի է գալիս «Սենդի»-ից հետո
Վերջին լուրեր
ԱՄՆ-ն շարունակում է ուշքի գալ «Սենդի» փոթորկի հարվածից, որը վրա էր հասել ԱՄՆ-ի Արևելյան ափերին շաբաթվա սկզբին: Արդեն չորեքշաբթի օրը Նյու Յորքն աստիճանաբար վերադառնում է կյանքի բնականոն ընթացքին: Չնայած մինչ այժմ քաղաքում չի աշխատում մետրոն և չեն գործում միջքաղաքային գնացքները, սակայն Մանհեթենում արդեն գործում են թատրոններն ու թանգարանները, իսկ էլեկտրականությունն արդեն կրկին մուտք է գործել մարդկանց բնակարաններ: Էլեկտրականության մատակարարումը վերականգնվել է նաև ԱՄՆ-ի մայրաքաղաք Վաշինգտոնի բոլոր բնակիչների համար. հաղորդում է Интерфакс-ը:
«Սենդին» ԱՄՆ-ում խլել է 72 մարդու կյանք: Սակայն ինշխանությունները նշում են, որ այս թվերը նախնական բնույթ են կրում:
Այս պահին երկրի Արևելյան ափերի հատվածում դեռևս առանց էլեկտրաէներգիայի է մնում 6 մլն մարդ: Հեղեղված են նաև Նյու Ջերսիի որոշ քաղաքներ:
Տարերքից ամենից տուժել են Արևմտյան Վիրջինիան, Նյու Ջերսին, Նյու Յորքը և Կոնեկտիկուտը: Հայտնի է դարձել, որ իշխանությունները Սենդիից տուժած ամերիկացիներին փոխհատուցում են բնակության վայրերի վարձակալության համար:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
