«Սենդի» փոթորկից տուժած հայերին օգնություն չի՞ ցուցաբերվում

Կարիբյան ծովի ավազանից վրա հասած Սենդի փոթորիկը, որը մինչ այժմ խլել էր շուրջ 70 մարդու կյանք, ԱՄՆ-ի արևելյան ափերին է հասել երեքշաբթի օրը: Նրա արագությունը ժամում հասնում է 105 կմ/ժ:

«Սենդին» ԱՄՆ-ում խլել է 72 մարդու կյանք: Սակայն ինշխանությունները նշում են, որ այս թվերը նախնական բնույթ են կրում:

Ինչպես հաղորդում է News.am-ը` հղում տալով «The Charlotte Observer»-ին, հայազգի Բելլա Խարաջյանը բողոքում է, քանի որ այլալեզու բնակիչներին (բացի անգլալեզու եւ իսպանալեզու բնակիչներից) օգնություն չի ցուցաբերվում. խոսքը մասնավորապես հայ և ուզբեկ հարևանների մասին է:

Վերը նշված տեղեկության շուրջ պարզաբանումներ ստանալու համար Lurer.com-ը զրուցեց Արտգործնախարարության մամուլի խոսնակ Տիգրան Բալայանի հետ, ով նշեց, որ արտգործնախարարությունն այդպիսի պաշտոնական տեղեկություն չի ստացել:

«Մենք պաշտոնական տեղեկատվություն չենք ստացել այն մասին, որ որևէ հայ խտրական վերաբերմունքի է ենթարկվել և նրան օգնություն չի ցուցաբերվել»։

Տիգրան Բալայանը նաև նշեց. «Ահանզանգն արձանագրվել է, տեղեկատվությունը փոխանցվել է մեր դեսպանություն»։