The Financial Times. Օբաման «Սենդի»-ի հասցրած վնասը գնահատել է մինչև 30 մլրդ դոլար

ԱՄՆ-ում «Սենդի» փոթորկի հիմնական հարվածը նահանջել է. այժմ մասնագետները զբաղված են նրա հասցրած վնասի հաշվարկներով: ԱՄՆ-ի նախագահ Բարաք Օբաման այցելել է Նյու Ջերսի, ուր տարերքի հասցրած վնասն ամենաշոշափելին է:

Օբաման ընդունել է, որ հասցված նյութական վնասը լավագույն դեպքում կարող է կազմել 20 մլրդ դոլար: Ընդ որում, հասցված տնտեսական վնասը գնահատվում է 10-30 մլրդ դոլար: Դա երկրի համախառն ներքին արդյունքի 0.3%-ն է:

PricewaterhouseCoopers-ը սպասում է, որ տնտեսությանը հասցրած համընդհանուր վնասը կարող է կազմել 45 մլրդ դոլար: IHS Global-ի փորձագետների կարծիքով վնասը կարող է հասնել 50 մլրդ դոլարի, որի թվում՝ 20 մլրդ դոլար գույքային վնաս, և 10-30 մլրդ դոլարի չափ է գնահատվել կորցրած գործարար հնարավորություններից ստացած վնասը:

Արդյունաբերության վերականգնումը կարող է ձգձգվել, և դա խոստանում է նոր խնդիրներ ստեղծել: Օրինակ Արևելյան ափի նավթարդյունահանող ընկերությունների 70%-ը դադարեցրել է իր գործունեությունն էլեկտրամատակարարման բացակայության պատճառով. գրում է The Financial Times-ը:

Նշենք, որ նոյեմբերի 6-ին ԱՄՆ-ում կայանալու են նախագահական ընտրություններ: Համաձայն բնակչության շրջանում անցկացված  հարցումների՝ Օբաման ձայների 2% առավելություն ունի իր քաղաքական հակառակորդ Միթ Ռոմնիի նկատմամբ: