Չցանկացա վերադարձնել Սարգսյան ազգանունը. Արթուր Սարկիսով

Հայաստանի հավաքականի և «Վոլգայի» հարձակվող Արթուր Սարկիսովը  խոսել է հարազատ ակումբի և Հայաստանի հավաքականի մասին: 

-«Բոլորը հասկանում են, որ ֆուտբոլը այնպիսի խաղ է, որտեղ հմարավոր են տարբեր իրավիճակներ: Կարծում եմ, որ Հայաստանի հավաքականը և «Վոլգան» նման են միմյանց՝ երկուսն էլ լավ են խաղում, սակայն միավորներ չեն վաստակում: Պարզապես բախտը մեզ փոքր-ինչ չի ժպտում: Նման շրջան կարող է լինել յուրաքանչյուի կյանքում: Հայաստանն ունի հիանալի հավաքական և շատ լավ ֆուտբոլիստներ: Վերաբերմունքը Հայաստանի հավաքականի նկատմաբ փոխվել է՝ մեզ հիմա ավելի լուրջ են ընդունում: Կարծում եմ, որ իտալացիների հետ մենք նույնպես լավ խաղացինք, չնայած որ պարտվեցինք 1:3 հաշվով:  Հայաստանի ընտրանին առաջընթաց է ապրում շնորհիվ Հենրիկ Մխիթարյանի, Յուրա Մովսիսյանի, Պիզելիի, Մանուչարյանի, Օզբիլիսի և մյուս ֆուտբոլիստների:

Իսկ լրագրողի այն հարցին, թե ով է ավելի ուժեղ՝ Մխիթարյանը, թե Մովսիսյանը, Սարկիսովը պատասխանել է։ 

«Սադրիչ հարց է (ծիծաղում է): Յուրան շատ ուժեղ հարձակվող է, Հենրիկը դաշտի միջին հատվածում աներևակայելի կրեատիվ խաղացող է: Նրա խաղի մասին խոսում են «Շախտյորում» ցույց տված արդյունքները և այն փաստը, որ իր համար պայքարում են եվրոպական ուժեղ ակումբներ: Նրանք երկուսն էլ ուժեղ խաղացողներ են, սակայն յուրաքանչյուրը յուրովի:  Շատ պատմություններ եմ լսել, թե ինչպես են նախնիներս Սարկիսով  դարձել, օրինակ նախապապերիցս մեկը եղել է արքունի դպիր և այդ ժամանակ պալատականների ազգանունը պետք է ավարտվեր ով վերջավորությամբ, այդ պատճառով էլ Սարգսյանը դարձել է Սարկիսով, իսկ ես չցանկացա վերկանգնել պատմական արդարությունը և վերադարձնել Սարգսյան ազգանունը»,-ֆուտբոլիստի խոսքերը մեջբերում է «Վոլգայի» պաշտոնական կայքը: