Կոռուպցիայի դեմ պայքարին կհրավիրվեն ընդդիմադիր կուսակցությունները. ՀՅԴ-ն դեռ կորոշի

Այսօր ՀՀ վարչապետ Տիգրան Սարգսյանը կառավարության հերթական նիստի ժամանակ հայտնեց, որ հանրապետության նախագահը պահանջում է վճռական գործողություններ, այդ թվում՝ նաև վիրահատական մեթոդերի կիրառում կոռուպցիայի դեմ պայքարում։

Վարչապետը նշել էր նաև, որ  ճիշտ կլինի հրավիրել նաև ընդդիմադիր կուսակցություններին, որպեսզի նրանք համագործակցեն և ներգրավված լինեն այս աշխատանքներում։

Այս առթիվ Lurer.com-ը զրուցեց Հայ հեղափոխական դաշնակցության բյուրոյի անդամ Վահան Հովհաննիսյանի հետ, ով նշեց, որ ՀՅԴ-ն հրավերը ստանալուց հետո միայն որոշում կկայացնի.

«Հրավերը ստանալուց հետո կքննարկենք, այնուհետև որոշում կկայացնենք, պետք է նախ հասկանանք՝ դա ինչ բան է և ինչ ձևով է իրականացվելու: Ես այդպիսի կառույցում արդեն եղել եմ, և արդյունավետությունը շատ ցածր եմ գնահատում»,-ասաց Վահան Հովհաննիսյանը։