Երբ շտապ բուժօգնությունը չի շտապում
Վերջին լուրեր
Առողջապահության նախարարը 2012թ. հունվար ամսին սահմանել է պետության կողմից երաշխավորված անվճար բժշկական օգնության և սպասարկման շրջանակներում բնակչությանը ցուցաբերվող շտապ բժշկական օգնության տրամադրման մասին չափորոշիչները: Ըստ չափորոշիչներից մեկի՝ մարզային քաղաքային վայրերում կանչը սպասարկվում է հնարավորինս կարճ ժամկետում, այսինքն՝ բժշկական օգնության բրիգադը դուրս է գալիս անհապաղ և կանչի վայր է ժամանում 7-15 րոպեների ընթացքում:
Սեպտեմբերի 16-ին Գյումրի քաղաքի բնակիչը 17:05-ին զանգահարել է «Գյումրու շտապ բուժօգնության կայան», իսկ կայանի թիվ 5 բժշկական անձնակազմը տեղում է եղել միայն 17:30-ին:
Ստացվում է, որ վկայակոչված հրամանով սահմանված դրույթը չի պահպանվել շտապ բուժօգնության կանչը սպասարկած «Գյումրու շտապ բուժօգնության կայան»-ի թիվ 5 բժշկական անձնակազմի կողմից: Գյումրու բնակիչը խնդրի առնչությամբ քայլեր ձեռնարկելու նպատակով դիմել է Պաշտպանին:
Պաշտպանը պարզաբանումներ ստանալու նպատակով գրություն է ուղարկել Շիրակի մարզպետին:
Նշենք նաև, որ ըստ դիմումատուի, հիվանդը, ում համար կանչ էր գրանցվել, մինչ շտապ օգնության ժամանումը, մահացել էր:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
