Մեր հայտնիների Halloween-յան լուսանկարները և Աննա Խաչատրյանի զայրույթը

Halloween-ի բառացի թարգմանությունը «սրբերի օր» է: Այն ժամանակակից տոնական ավանդույթ է, որի պատմությունը սկիզբ է առել Մեծ Բրիտանիայից եւ Հյուսիսային Իռլանդիայից: Նշվում է բոլոր սրբերի օրվա նախօրեին՝ հոկտեմբերի 31–ին: Halloween–ը, թեեւ պաշտոնական տոն չէ, սակայն ավանդաբար նշվում է անգլախոս երկրներում:

Ըստ լեգենդի՝ նոյեմբերի 1-ի գիշերը բացվում է սահմանը կենդանի և մեռյալ աշխարհների միջև: Հեթանոս կելտերը դրան շատ մեծ նշանակություն էին տալիս, և մեռյալների զոհ չդառնալու համար հագնում էին կենդանիների մորթի, մարում բոլոր ճրագները և իրենց սարսափազդու տեսքով վախեցնում ուրվականներին: Մարդիկ հավաքվում էին խարույկների մոտ, իսկ հոգիների համար փողոցներում պատրաստվում էր հյուրասիրություն: Հելլոուինի գլխավոր գույները սևն ու նարնջագույնն են: Սևը խորհրդանշում է մահն ու գիշերվա մութը, իսկ նարնջագույնը՝ բերրի բերքը:

Այս փոքր նախաբանից հասկանալի է դառնում, որ այս տոնը ոչ մի կապ չունի մեր մշակույթի և ազգի հետ, այդուամենայնիվ, մեր երկրում հատկապես այս տարի այն բավականին մեծ աղմուկ հանեց: Հատկապես հասարակության երիտասարդ շերտը մեծ ոգևորությամբ էր պատրաստվել այդ օրվան՝ փորձելով այն վերածել տոնի: Նրանց թվում կային նաև հանրաճանաչ դեմքեր:

Այդ ոգևորությանը իր ֆեյսբուքյան էջում անդրադարձել էր երգչուհի Աննա Խաչատարյանը, ում բոլորովին դուր չէր եկել այն, թե ինչպես է հայ ժողովուրդը պատրաստվում այդ տոնին. «Չեմ դադարում զարմանալ մեր ժողովրդի օտարամոլության վրա: Ի՞նչ կապ ունի Halloween-ը մեզ հետ: Մտածենք՝ ուրշ ազգեր մեր տոներից որևէ մեկը նշո՞ւմ են»:

Տեսնենք, թե հայ հատնիներից ովքեր են դրական ընդունել այդ տոնը, և ինչ կերպարներով են հանդես եկել Անի Քրիստին, Սուրեն Փահլևանյանը, Յանա Դանիելյանը,Անահիտ Շահբազյանը, Մհերը, Սոնա Շահգելդյանը, Օլգա Այվազյանը:

 Լուսանկարները՝ հայտնիների անձնական արխիվից և N-show-ի: