Արմեն Աշոտյան. Նաիրա ջան, թեթև տար, ոչ առաջինն ես, ոչ՝ վերջինը (տեսանյութ)

ԿԳ նախարար, անկասկած օրիորդապնդիչ Արմեն Աշոտյանը ինչպես հարկն է սատարում է իր թիմակցին՝ գեղեցկուհի Նաիրա Կարապետյանին, ում անհիմն կերպով «մեղադրում են» «Ֆեռո» ընկերության գովազդում նկարահանվելու մեջ։ Չնայած նրան, որ Նաիրա Կարապետյանը միանշանակ ժխտում է շրջանառվող լուրերը, Արմեն Աշոտյանը, միևնույնն է, իր Facebook-յան էջում գրում է.
«Հիշեցնեմ, օրինակ, որ անգամ Մ. Գորբաչովն է նկարահանվել գովազդում - Pizza Hat, Louis Vuitton ։)»:

Չգիտես՝ Մ. Գորբաչովի մասին իր գիտելիքնե՞րն է ի ցույց դնում, թե՞ «սատարում է» Նաիրա Կարապետյանին։ Վերջին շրջանում սոցցանցում ակտիվացած Արմեն Աշոտյանը ևս մեկ անգամ ի ցույց դրեց իր մտքի թռիչը՝ այս անգամ Նաիրա Կարապետյանին համեմատելով Մ. Գորբաչովի հետ։