Der Standard. Ցուցարարները նորից գրոհել են Լիբիայի խորհրդարանը
Վերջին լուրեր
Լիբիայում շուրջ 100 ցուցարար է բողոքի դուրս եկել նոր կառավարության դեմ: Հինգշաբթի օրը Լիբիայի մայրաքաղաք Տրիպոլիում նորից տասնյակ մարդիկ ցույց էին կազմակերպել Լիբիայի կառավարության դիմաց: Զինված ցուցարարները պահանջում էին չեղյալ հայտարարել նախօրեին Ազգային խորհրդի կողմից հաստատված Ալի Զեյդանի գլխավորած նոր կառավարության կազմը: Կառավարության շենքը, որտեղ հինգշաբթի օրը ոչ մի նիստ էլ չկայացավ, փակել է իր մուտքը խոշոր մեքենաներով, իրավիճակը շարունակվում է լարված մնալ. հաղորդում է թերթը:
Ցուցարարների մեջ կան Լիբիայի տարբեր շրջանների ներկայացուցիչներ, ովքեր մայրաքաղաք էին ժամանել չորեքշաբթի օրը: Մենք բողոքում ենք Ազգային խորհրդի և նրա կողմից հաստատված կառավարության դեմ, քանի որ այն կազմվել է նաև բռնապետ Մուամար Քադաֆիի ռեժիմի անդամներից. ասում է 42-ամյա մի ցուցարար:
Լիբիայի խորհրդարանը չորեքշաբթի օրը հաստատել էր Զեյդանի ներկայացրած կառավարության կազմը, որտեղ ներկայացված էին ինչպես լիբերալ, այնպես էլ իսլամիստական ուժեր: Հոկտեմբերի սկզբին պատգամավորները հրաժարվել էին նախկին վարչապետ Աբու Շաղուրի ձևավորած նախարարների խորհրդից, և կառավարության ղեկավարը հրաժարական էր տվել:
ՈՒՂԻՂ ԵԹԵՐ
Ամենադիտված 
Պարոն վարչապետ, չհասկացա` Ձեր այսօրվա խոսքը ու՞մ էր ուղղված. Արամ Սարգսյան
