Իվանիշվիլին կօգտագործի եկեղեցին Ռուսաստանի հետ հարաբերությունների կարգավորման մեջ

«Սաակաշվիլիի նախագահությունը ոչ մի կերպ չի կարող խանգարել Ռուսաստանի հետ հարաբերությունների հարցերով հատուկ ներկայացուցչի աշխատանքներին»,-երեկ կառավարության շենքում մամլո խորհրդակցության ժամանակ հայտարարել է վարչապետ Իվանիշվիլին. տեղեկացնում է Грузия Online-ը:

Նրա խոսքերով՝ Սաակաշվիլին իրավունք չունի դադարեցնել Ռուսաստանի հետ հարաբերությունների կարգավորմանն ուղղված այդ գործընթացը:

«Ես չգիտեմ, թե ինչպես են Ռուսաստանում ընկալում այսօր Վրաստանում ստեղծված իրավիճակը: Մենք մինչ այժմ ռուս դիվանագիտական ներկայացուցիչների հետ պաշտոնական և ոչ պաշտոնական մակարդակում որևէ շփում չունենք։ Ինքնըստինքյան Սաակաշվիլիի նախագահությունը նվազագույնը գոնե չի նպաստում այդ հարաբերությունների բարելավմանն այն սադրանքներից հետո, որոնք իրականացվել են 2008-ին: Դա մինչ օրս ագրեսիվ վերաբերմունք է առաջացնում ռուսական կողմի մոտ»,-հայտարարել է Սաակաշվիլին:

Միաժամանակ Իվանիշվիլին չի բացառել վրաց-ռուսական հարաբերությունների կարգավորման մեջ եկեղեցու ունեցած դերը:

«Մեր եկեղեցիների մեջ շատ լավ բարեկամական հարաբերություններ են գործում: Դա նույնպես կնպաստի երկու բարեկամ երկրների միջև հարաբերությունների կարգավորմանը»,-նշել է Վրաստանի վարչապետը:

Հիշեցնենք, որ Ռուսաստանի հետ հարաբերությունների կարգավորման հարցերով հատուկ ներկայացուցիչ էր նշանակվել ՌԴ-ում Վրաստանի նախկին դեսպան Զուրաբ Աբաշիձեն: