Երևանում մեր անվտանգությունը պահպանում էին բարձր մակարդակով. Ադրբեջանցի մարզիկ

Նոյեմբերի 26-ին Երևանում կայանալիք բռնցքամարտի երիտասարդական առաջնությանն ընդառաջ ադրբեջանական Azerisport.com-ը հարցազրույց է ունեցել ըմբշամարտիկ Իլհար Մուշկիևի հետ, ով երեք տարի առաջ մասնակցել է Հայաստանում տեղի ունեցած ըմբշամարտի առաջնությանը։ 

«Չնայած որ արդեն երեք տարի է անցել, այդ մրցաշարը շատ լավ եմ հիշում, այդ ժամանակ մենք նվաճեցինք 5 մեդալ։ Եզրափակչում ես պարտվեցի, քանի որ մրցավարը ռուս մարզիկի կողմն էր, սակայն դրանում ես էի մեղավոր։ Երևանի մրցաշարը չէր տարբերվում մյուս մրցաշարերից։ Միայն տրիբունայի վերաբերմունքն էր տարբեր, իսկ դրան մենք հոգեբանորեն պատրաստ էինք։ Երևանում չենք զբոսնել, եղել ենք միայն հյուրանոցի մերձակա տարածքում։ Մեզ խորհուրդ էին տվել շրջել քաղաքացիական զգեստով, ոչ թե Ադրբեջանի մարզազգեստով։ Մեր անվտանգությունը պահպանում էին բարձր մակարդակով։ Առհասարակ, ամեն ինչ լավ էր կազմակերպված։ Մրցաշարին մեզ ուղեկցում էին  ոստիկանները։ Մեր ավտոբուսը կանգ չէր առնում կարմիր լույսի տակ։ Նույնիսկ երբ զուգարան էինք գնում, այնտեղ մեզ մեկ թիկնապահ էր հսկում»,-մարզիկի խոսքերը մեջբերում է Azerisport.com-ը։ 

Հիշեցնենք, որ ինչպես Լուրեր.com-ին հայտնել էին Սպորտի և երիտասարդության հարցերի նախարարությունից, ադրբեջանական կողմը հայտավորվել է նոյեմբերի 25-ին Երևանում կայանալիք բռնցքամարտի աշխարհի երիտասարդական առաջնությանը: