Գալկինը և Պուգաչովան բաժանվե՞լ են

Մաքսիմ Գալկինի երկրպագուները կարծում են, որ կատակերգու դերասանը բաժանվել է կնոջից՝ Ալլա Պուգաչովայից։ Այս մասին հայտնում է kp.ru-ն։

Կատակերգու դերասանը վերջերս Լեհաստանում ելույթի ժամանակ երգել է դժբախտ սիրո պատմության մասին։ Նա ասել է «Սերն ավարտվեց, ամեն ինչ ավարտվեց...» արտահայտությունը:

Ըստ հրապարակման՝ Գալկինի երկրպագուները ենթադրել են, որ նա այդ կերպ հրապարակավ խոսել է կնոջ հետ հարաբերություններում առկա խնդիրների մասին։ Խոսակցություններ կան, նշում է kp.ru-ն, որ Պուգաչովան հոգնել է անընդհատ տեղաշարժվելուց և ցանկանում է վերադառնալ Ռուսաստան, սակայն կատակերգուն այս հարցում նրան չի աջակցում։

2022 թվականի հոկտեմբերին Մաքսիմ Գալկինն ու Ալլա Պուգաչովան իրենց երեխաների հետ միասին Ռուսաստանից թռան Իսրայել։