«Չէի ուզում ծեր մայր լինել»․ Սոֆյա Վերգարան բացահայտել է ամուսնուց բաժանվելու պատճառը

Դերասանուհի Սոֆյա Վերգարան բացահայտել է հայկական արմատներ ունեցող ամուսնուց՝ Ջո Մանգանիելոյից բաժանվելու պատճառը։ Այս մասին «Ժամանակակից ընտանիքի» աստղը խոսել է իսպանական El País հրատարակությանը տված հարցազրույցում։

51-ամյա Սոֆյա Վերգարան պատմել է, որ իրենք բաժանվել են ապագայի վերաբերյալ տարբեր հայացքների պատճառով։ Դերասանուհու խոսքով՝ ամուսինը մտածում էր ընտանիքը համալրելու մասին, սակայն ինքը երեխա ունենալ չէր ուզում։

«Իմ ամուսնությունն ավարտվեց, քանի որ ամուսինս ավելի երիտասարդ էր։ Նա երեխաներ էր ուզում, իսկ ես չէի ուզում ծեր մայր լինել։ Կարծում եմ՝ սա անարդար է երեխայի նկատմամբ։ Ես հարգում եմ նրանց, ովքեր որոշում են նման քայլի գնալ, բայց դա ինձ համար չէ»,- բացատրել է Սոֆյա Վերգարան։

Հայտնին հավելել է, որ իր որդին այժմ 32 տարեկան է։ Դերասանուհին պատրաստ է տատիկ դառնալ, բայց ոչ մայր։

2023 թվականի հուլիսին «Ժամանակակից ընտանիքի» աստղ Սոֆյա Վերգարան և դերասան Ջո Մանգանիելոն բաժանվեցին յոթ տարվա ամուսնությունից հետո։