Երևանի ավագանու անդամ Նարինե Հայրապետյանը տուժող է ճանաչվել․ «Փաստինֆո»

Երևանի ավագանու «Մայր Հայաստան» խմբակցության անդամ Նարինե Հայրապետյանը տուժող է ճանաչվել՝ իրեն առևանգելու վերաբերյալ քրեական վարույթի շրջանակներում։ Այս մասին հայտնում է «Փաստինֆո»-ն՝ վկայակոչելով ՀՀ Քննչական կոմիտեին։

Հայրապետյանի հաղորդման հիմա վրա նախաձեռնվել է քրեական վարույթ՝ ՀՀ քրեական օրենսգրքի 191-րդ հոդվածի 2-րդ մասի 5-րդ կետով՝ մի խումբ անձանց կողմից առևանգման հատկանիշներով։

Հիշեցնենք, որ հունվարի 17-ին Հայրապետյանը դիմել էր ոստիկանության Նոր Նորքի բաժին և հայտնել, որ հունվարի 15-ին՝ ժամը 09։30-ի սահմաններում, Թոթովենց փողոցից անհայտ անձինք ստիպողաբար իրեն նստեցրել են անհայտ մակնիշի ավտոմեքենա, փակել աչքերը, ապա տեղափոխել իրեն անծանոթ անհայտ վայր, որտեղ հանդիպել է 60-65 տարեկան տղամարդու հետ։

Այդ տղամարդը քաղաքական գործունեությամբ պայմանավորված զրույց է ունեցել իր հետ, ինչից հետո նույն անձինք նույն ձևով նրան հետ են տարել Աբովյան փողոց, իջեցրել մեքենայից և հեռացել։

Մանրամասները՝ սկզբնաղբյուր կայքում։