Մհեր Ավետիսյանը պարգևատրվել է «Անկախ պետությունների վետերանների հասարակական կազմակերպությունների համագործակցություն» միջազգային միության շքանշանով

«Անմահ գունդ» Միջազգային շարժման գլխավոր համակարգող Մհեր Ավետիսյանը պարգևատրվել է «Անկախ պետությունների վետերանների (թոշակառուների) հասարակական կազմակերպությունների համագործակցության» միջազգային միության շքանշանով՝ պատմական հիշողության պահպանման գործում մեծ ավանդ ունենալու և Հայրենական մեծ պատերազմի վետերանների մասին հոգ տանելու համար։

Շքանշանը հանձնվել է «Անկախ պետությունների վետերանների (թոշակառուների) հասարակական կազմակերպությունների համագործակցություն» միջազգային միության համակարգող խորհրդի նախագահ, գեներալ-գնդապետ Վասիլի Վոլկովի անունից։

Հայտնի է, որ Մհեր Ավետիսյանն ակտիվորեն զբաղվում է Հայրենական մեծ պատերազմի ժառանգության պահպանմամբ Ռուսաստանի բարեկամ երկրների տարածքում, որոնք հոգատարությամբ հարգում են Հայրենական մեծ պատերազմի հիշատակը։