Հայկական Tsaghkunk Restaurant and Glkhatun-ը` The Guardian-ի 20 եվրոպական ռեստորանների ցանկում

Բրիտանական հեղինակավոր The Guardian պարբերականը հրապարակել է 20 եվրոպական ռեստորանների ցանկը, որոնք խորհուրդ է տալիս այցելել։

Ցանկում տեղ է գտել նաև  հայկական Tsaghkunk Restaurant and Glkhatun-ը։

Հայաստանն արժանի է ուշադրության, վստահեցնում է սննդի եւ ճանապարհորդության մասին հոդվածների հեղինակ Քերոլայն Էդենը։

«Եկեղեցիները, երաժշտությունը, թանգարանները, արվեստը եւ արշավը՝ բոլորը հասանելի են»,-ասում է նա՝ այդ ամենին հավելելով անհավանական սնունդն ու գինին:

Էդենի նախընտրելի կամ այսպես կոչված ՝ «մթնոլորտային սննդի համտեսի սրտի» ցուցակի առաջին տեղում է Ծաղկունք փոքրիկ գյուղը եւ համանուն ռեստորանը, որտեղ նա երազում է վերադառնալ․

«Դրա մասին հեշտ չէ խոսել, եւ առանձնապես հեշտ չէ այնտեղ հասնելը, բայց եթե հետաքրքրված եք տեղական համերով, ապա սա Հայաստանում պարտադիր այցելության վայր է: Խոհարարները հնարամիտ են, սունկ ու խոտաբույսեր են հավաքում շրջակա բլուրներից, իսկ տանը կից կա ավանդական հացատուն՝ թոնիրով՝ լավաշ պատրաստելու համար»։

«Լեռնային խոտաբույսերով եւ մածունով լցոնված՝ դրսից խրթխրթան են, ներսից՝ փափուկ եւ շատ համեղ»,-նկարագրում է սննդի հարցում մասնագիտացված հրապարակախոսը։