Sky Sports. Արտետան չի հեռանա Արսենալից

«Արսենալի» գլխավոր մարզիչ Միկել Արտետան մտադիր չէ հեռանալ լոնդոնյան ակումբից։ Ավելի վաղ իսպանական ԶԼՄ-ները հայտնել էին մրցաշրջանի ավարտից հետո իսպանացի մասնագետի հնարավոր հեռանալու մասին։ Այս մասին հայտնում է Armsport.am-ը։

Երեկ իսպանական Sport-ը հայտնել էր, որ Արտետան հնարավոր է լքի իր պաշտոնը մրցաշրջանի ավարտից հետո, իսկ The Sun-ը՝ հղում անելով իսպանացի լրագրող Ժերար Ռոմենոյին, հայտնել էր, որ Միկելը կարող է գլխավորել «Բարսելոնան»։

Ինչպես հայտնում է Sky Sports-ը, Արտետան չի հեռանա «Արսենալից»:

Արտետայի գլխավորությամբ «Արսենալը» երեք տիտղոս է նվաճել՝ Անգլիայի գավաթը, ինչպես նաև Անգլիայի երկու սուպերգավաթ: Բացի այդ, «Արսենալը» իսպանացու գլխավորությամբ նախորդ մրցաշրջանում դարձավ Պրեմիեր լիգայի արծաթե մեդալակիր։

Այժմ «Արսենալը» Անգլիայի Պրեմիեր լիգայի մրցաշարային աղյուսակի երրորդ տեղում է՝ 21 հանդիպումներից հետո վաստակելով 43 միավոր։