Բրիթնի Սփիրսը ներողություն է խնդրել Ջասթին Թիմբերլեյքից

Ամերիկացի երգչուհի Բրիթնի Սփիրսը հրապարակավ ներողություն է խնդրել իր նախկին սիրելիից՝ կատարող Ջասթին Թիմբերլեյքից՝ իր «Կինն իմ մեջ» մեմուարներում իրենց անձնական կյանքի մասին բացահայտ խոսելու համար։ Այս մասին նա գրել է Instagram-ի իր միկրոբլոգում։

Իր գրառման մեջ երգուհին նաև բարձր է գնահատել արտիստի ստեղծագործությունը, որը կոչվում է «Selfish»:

«Ես ուզում եմ ներողություն խնդրել որոշ բաների համար, որոնք գրել եմ իմ գրքում: Եթե ​​վիրավորել եմ մեկին, ով ինձ համար իսկապես թանկ է, ապա խորապես ցավում եմ: Նաև ուզում եմ ասել, որ սիրում եմ Ջասթինի Selfish երգը։ Այն շատ լավն է»,- գրել է Սփիրսը։

Իր գրքում երգչուհին պատմել է, որ 2000 թվականին՝ 19 տարեկանում, աբորտ է արել իր ու Թիմբերլեյքի երեխային։

«Եթե դա լիներ միայն իմ որոշումը, ես այն չէի անի։ Սակայն Ջասթինը համոզված էր, որ չի ցանկանում հայր դառնալ։ Մինչ օրս աբորտն ամենացավեցնող բանն է, որ երբևէ զգացել եմ իմ կյանքում»,- գրել է երգչուհին։