Դայակը թմրանյութով թեյ է հյուրասիրել ընտանիքին և առևանգել նորածնին

Մեքսիկայում ոստիկանությունը փնտրում է երեք օրական երեխային առևանգող դայակին։ Այս մասին հայտնում է Metro-ն։

Մեքսիկայի Իդալգո նահանգում դայակը երեխայի մորը և տատիկին թմրանյութով թեյ է հյուրասիրել, գողացել երեխային, գումար և երեք բջջային հեռախոս։

Առևանգումից երկու օր անց տղային գտել են փողոցում՝ պայուսակի մեջ, նրան վերադարձրել են մորը։

Քննիչները ենթադրում են, որ դայակի հանցակիցը ոստիկան է։ Նրանք այժմ հետախուզման մեջ են։