ՌԴ–ում զինված տղամարդը ներխուժել է խանութ և համտեսել մթերքներից

ՌԴ Սանկտ Պետերբուրգի Կիրովսկի թաղամասում զինված տղամարդ է բերման ենթարկվել, ով ներխուժել է խանութ և կծել մթերքներից։ Այս մասին հայտնում է Gazeta.ru–ն։

Տղամարդ մտել է խանութ  և սկսել կծել դարակների վրա դրված մթերքներից։ Խանութի աշխատակիցները գնորդից պահանջել են վճարել վնասված ապրանքի համար, ի պատասխան՝ տղամարդը հանել է ատրճանակը և սկսել սպառնալ աշխատակիցներին։

Վաճառողները զանգահարել են «Ռոսգվարդիա», իսկ իրավապահները բերման են ենթարկել տեղի 46-ամյա բնակչին։ Հարձակվողն արդեն ունեցել է օրենքի հետ կապված խնդիրներ, նա բազմիցս դատապարտվել է ծանր հանցագործությունների համար։