«Փյունիկի» նախագահը հերքել է ուկրաինացիների պատճառով ռուսական ակումբների հետ խաղալուց հրաժարվելու մասին լուրերը

 «Փյունիկ» ֆուտբոլային ակումբի նախագահ Արթուր Սողոմոնյանը հերքել է ուկրաինացիների պատճառով ռուսական ակումբների հետ խաղից հրաժարվելու մասին լուրերը։

«Փյունիկի՝ ուկրաինացիների պատճառով ռուսական ակումբների հետ խաղալուց հրաժարվելը բամբասանք է։ Դրանք ճիշտ չեն։ Հիմա, ընդհակառակը, բանակցում ենք հավաքի ավարտին Ռուսաստանի թիմերի հետ հանդիպումներ անցկացնելու շուրջ։  Սկզբում կային որոշ անհամապատասխանություններ։ Բայց այդ տեղեկությունը ճիշտ չէ։ Ես չգիտեմ, թե որտեղից է դա եկել: Մենք կարծում ենք, որ սպորտը քաղաքականությունից դուրս է, և Ռուսաստանի հետ կապերն ամենաամուրն են։ Մեր ֆուտբոլիստը վերջերս է տեղափոխվել Սոչի, իսկ մենք Ռուսաստան ենք գալիս մանկական մրցաշարերի։ Ես ինքս ռուսաստանցի գործարար եմ։ Հետեւաբար, հաստատ նման հարցեր չկան»,- ասել է Սողոմոնյանը «Чемпионат»–ի թղթակցի հետ զրույցում։

«Նախատեսում ենք վերջին խաղերն անցկացնել ռուսական թիմերի հետ։ Եթե ​​«Խիմկիի» և «Օրենբուրգի» հետ ստացվի, հիանալի է»– նշել է նա։