Երևանի քաղաքապետարանն ու «Հարավկովկասյան երկաթուղի» ընկերությունը կգործակցեն մի շարք բնագավառներում
Հասարակություն
Այսօր ընդունել եմ «Հարավկովկասյան երկաթուղի» ընկերության գլխավոր տնօրեն Ալեքսեյ Մելնիկովին: Այս մասին հայտնում է Երևանի քաղաքապետի առաջին տեղակալ Արմեն Փամբուխչյանը։
«Հանդիպման ընթացքում մտքեր ենք փոխանակել առաջիկա ծրագրերի, երկաթուղու խնդիրների ու երկկողմ գործակցության ուղղությունների վերաբերյալ:
Կարևորելով կառույցի դերը՝ երկաթուղային ցանցի զարգացման հարցում, նշել եմ, որ համայնքը պատրաստ է իր լիազորությունների շրջանակում աջակցել ընկերությանը Երևանի տարածքում նախաձեռնված ծրագրերն իրականացնելու գործում:
Շնորհակալություն հայտնելով գործակցության պատրաստակամության համար՝ Ալեքսեյ Մելնիկովը նշեց, որ իրենց ծրագրերն առաջնահերթ միտված են քաղաքացիների համար անվտանգ ու հարմարավետ ուղևորափոխադրում ապահովելուն:
2023թ. ընդհանուր առմամբ ընկերության մերձքաղաքային և միջազգային գնացքների ծառայություններից օգտվել է ավելի քան 538 հազար մարդ, ինչը 7,5 տոկոսով ավելի է 2022 թվականի ցուցանիշից»:
Ամենադիտված 
Ջուր չի լինի նոյեմբերի՝ 25, 26 և 27-ին տասնյակ հասցեներում
