Ֆրանսիան անվերապահորեն աջակցում է ՀՀ տարածքային ամբողջականությանը․ Սեժուրնեն՝ Միրզոյանին
Արտաքին Քաղաքական
Ֆրանսիայի ԱԳՆ–ն հայտարարություն է տարածել՝ Փարիզում ՀՀ ԱԳ նախարար Արարատ Միրզոյանի և Ֆրանսիայի Հանրապետության Եվրոպայի և արտաքին գործերի նախարար Ստեֆան Սեժուրնեի հանդիպման վերաբերյալ։
Ըստ հաղորդագրության՝ Սեժուրնեն նշել է Ֆրանսիայի անվերապահ, լիարժեք և մշտական հանձնառությունը՝ աջակցելու Հայաստանի ինքնիշխանությանը և տարածքային ամբողջականությանը։ Փարիզը շարունակում է ավելացնել մարդասիրական աջակցությունը Հայաստանին և Լեռնային Ղարաբաղից բռնի տեղահանվածներին։
«Խոսքը 29 միլիոն եվրո կազմող օգնության մասին է, որն ուղղված է ՀԿ-ներին, ԿԽՄԿ-ին, Հայկական Կարմիր խաչին և ՄԱԿ-ի գործակալություններին»,– ասվում է հաղորդագրության մեջ:
Նշվում է, որ նախարարներն ամփոփել են Հայաստանի և Ադրբեջանի միջև հարաբերությունների կարգավորմանն ուղղված քննարկումները։ Նախարարը հաստատել է Ֆրանսիայի աջակցությունը ԵՄ-ի և ԱՄՆ-ի միջնորդական ջանքերին։
«Արդար և տեւական խաղաղություն կարող է գոյություն ունենալ միայն միջազգային իրավունքի, ինքնիշխանության, տարածքային ամբողջականության և երկու պետությունների սահմանների անձեռնմխելիության հարգմամբ»,– նշել են Ֆրանսիայի ԱԳՆ–ից։
Ամենադիտված 
ՀՀ ՊՆ–ն հայտարարություն է տարածել
