Եթե վաղը մոստի տակ ապրող 3 հոգի լինեն, մոստը քանդվի, ես պարտավո՞ր եմ նրանց կացարանով ապահովել․ վարչական շրջանի ղեկավար
Քաղաքական
«Այստեղի բնակիչներից բազմիցս եկել են ինձ մոտ և խնդրել, որ տարածքը սեփականաշնորհվի, ես ասել եմ՝ սեփականաշնորհելու տարբերակ չկա։ Իրենք ժամանակին հանդիպել են նաև Տիգրան Ավինյանին, նա էլ է նույն բանը պատասխանել։ Երևանի քաղաքապետը երկուշաբթի օրը գործակարգավարականի ժամանակ հստակ հայտարարեց, որ պետք է սկսել սահմանազատման աշխատանքները»,- այս մասին այսօր լրագրողների հետ զրույցում ասաց Նոր Նորք վարչական շրջանի ղեկավար Տիգրան Տեր-Մարգարյանն ու հավելեց՝
«Ես իր սեփական տո՞ւնն եմ քանդում։ Մարդկանց դրսում չենք թողնում, նորից եմ կրկնում՝ սա զավթած տարածք է։ Այսինքն, եթե վաղը մոստի տակ ապրող երեք հոգի լինեն, այդ մոստը քանդվի, ես պարտավոր եմ այդ մոստի տակ ապրողներին կացարանով ապահովե՞լ։ Այդ մարդիկ փաստացի տուն չունեն, տարիներ ի վեր զավթել են կանաչապատ տարածք, որը համայնքինն է»,- իր խոսքում վստահեցրեց վարչական շրջանի ղեկավարը։
Հիշեցնենք, ինչպես արդեն տեղեկացրել ենք՝ Գայի պողոտայի սկզբնամասում ինքնակամ կառուցված բնակելի տները քանդվելու են։ Բնակիչները քաղաքապետի որոշմանը դեմ են և փորձում են արգելել քանդման աշխատանքները։
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
