Բայդենը մեկնաբանել է Բալթիմորում տեղի ունեցած միջադեպը

Բալթիմորում Ֆրենսիս Սքոթ Քի մայրուղու կամուրջը փլուզվել է ոչ թե միտումնավոր գործողության, այլ սարսափելի վթարի հետևանքով։ Այս մասին հայտարարել է Միացյալ Նահանգների նախագահ Ջո Բայդենը, փոխանցում է ՏԱՍՍ-ը։

«Այս պահին մենք որևէ հիմք չունենք ենթադրելու, որ դա դիտավորյալ արարք էր... ամեն ինչ վկայում է այն մասին, որ դա սարսափելի վթար էր», - ասել է Բայդենը Սպիտակ տանը:

Մինչ այս Մերիլենդի նահանգապետ Ուես Մուրը հայտնել էր, որ Բալթիմորում կամրջին բախված Dali նավի անձնակազմը ժամանակին աղետի ազդանշան է ուղարկել, ինչը թույլ է տվել տեղի իշխանություններին փակել տրանսպորտային ենթակառուցվածքի մուտքը և կյանքեր փրկել։