Հույսեր չկապեք Իսրայելի վրա միջազգային ճնշման հետ․ Նեթանյահուն՝ ՀԱՄԱՍ–ին
Աշխարհ
Իսրայելի վարչապետ Բենիամին Նեթանյահուն չորեքշաբթի օրը հայտարարել է, որ իր վերջին որոշումը՝ պատվիրակություն չուղարկել Վաշինգտոն՝ Գազայի հատվածում հրադադարի մասին ՄԱԿ-ի Անվտանգության խորհրդի բանաձևից հետո, ուղերձ է պաղեստինյան ՀԱՄԱՍ շարժմանը, որ ռազմական գործողությունների հետ կապված միջազգային ճնշումն Իսրայելի վրա չի աշխատելու։
«Անվտանգության խորհրդում ԱՄՆ որոշումը ես դիտեցի որպես շատ վատ քայլ: Ամենավատն այն էր, որ այն խրախուսեց ՀԱՄԱՍ–ին կոշտ դիրքորոշում ընդունել և հավատալ, որ միջազգային ճնշումը թույլ չի տա Իսրայելին ազատ արձակել առևանգվածներին և ոչնչացնել ՀԱՄԱՍ–ը: Վաշինգտոն պատվիրակություն չուղարկելու իմ հետագա որոշումն ուղերձ էր ՀԱՄԱՍ–ին, որ այդ ճնշման հետ հույսեր չկապեն։ Այն չի աշխատելու »,- ասել է վարչապետը ԱՄՆ հանրապետական սենատոր Ռիկ Սքոթի հետ հանդիպման ժամանակ:
Ամենադիտված 
Մնաս բարյավ. Րաֆֆի Հովհաննիսյան
