Պեսկովը տարօրինակ է անվանել ԱՄՆ-ի հայտարարություններն ահաբեկչության մեղավորների մասին

ՌԴ նախագահի մամուլի քարտուղար Դմիտրի Պեսկովը «տարօրինակ» է անվանել այն, որ ԱՄՆ-ն մեղադրում է «Իսլամական պետությանը» «Կրոկուսում» տեղի ունեցած ահաբեկչության մեջ՝ նախքան հետաքննության ավարտը։ Նրա խոսքերը մեջբերում է ՌԻԱ Նովոստին։

«Եթե մենք դեռ որևէ վարկածի մասին հայտարարելու հնարավորություն չունենք, քանի որ հետաքննությունը շարունակվում է, իհարկե, առնվազն տարօրինակ է, որ ամերիկացիները համարձակվում են հայտարարել մեկ վարկածի մասին»,- ասել է Կրեմլի ներկայացուցիչը։

Պեսկովի խոսքով՝ սա «ինչ-որ բանից» ուշադրությունը շեղելու փորձ է։

Մինչ այս Պեսկովը հայտնել էր, որ ահաբեկչության վերաբերյալ պաշտոնական վարկածներ չեն հնչել։