«Եվրաջասթ»-ի, «Եվրոպոլ»-ի հետ ունեցել ենք սերտ համագործակցություն. համաձայնագիրն ավելի կամրապնդի և ինստիտուցիոնալ կդարձնի այն

Հայաստանի և ԵՄ-ի միջև ստորագրվել է համագործակցության համաձայնագիր, որի շնորհիվ ՀՀ քրեական վարույթներով իրավական համագործակցության ոլորտում իրավասու մարմինները և ԵՄ քրեական արդարադատության ոլորտում համագործակցության գործակալությունը կկարողանան աշխատել միասին։

Բելգիայի արդարադատության և Հյուսիսային ծովի հարցերով նախարար Փոլֆան Թիխելտն ասել է՝ համաձայնագիրը հատկապես կարևոր է Բելգիայի նախագահության համար, քանի որ Եվրոպական միության և երրորդ երկրների միջև դատական համագործակցությունը իրենց համար առանցքային առաջնահերթություն է:

ՀՀ ԱԳ նախարար Արարատ Միրզոյանն էլ նշել է, որ Հայաստանն  առաջին երկիրն է, որ ստորագրում է համագործակցության համաձայնագիրը. «Թեև սերտ համագործակցություն ունեցել ենք «Եվրաջասթ»-ի, «Եվրոպոլ»-ի հետ, սակայն համաձայնագիրը գալիս է ամրապնդելու և համագործակցությունը ինստիտուցիոնալ դարձնելու: Այս համաձայնագրի ստորագրմամբ մենք նաև մեկ քայլ մոտենում ենք Հայաստան-ԵՄ Համապարփակ և ընդլայնված գործընկերության համաձայնագրի ամբողջական իրականացմանը», - նշել է Միրզոյանը։

Համաձայնագրի շնորհիվ հնարավոր կլինի պայքարել կազմակերպված հանցագործությունների, փողերի լվացման, մարդկային և թմրանյութերի թրաֆիքինգի, կիբեր հանցագործությունների  և ահաբեկչության դեմ։

Այս թեմայով Ծավ գետի ջուրն է, մարդիկ ստիպված օգտագործում են, որովհետև Ադրբեջանը զավթել է խմելու ջրի աղբյուրները Մեր նպատակադրումը մեկն է` ուզում ենք բոլոր հնարավոր ձևերով առողջ ապրելակերպը քարոզենք․ Փաշինյան Պետքարտուղար Բլինկենն ու Թուրքիայի ԱԳ նախարար Հաքան Ֆիդանը հանդիպում են ունեցել Նեթանյահուն հերքել է Լիբանանի հետ հնարավոր զինադադարի մասին տեղեկությունը Կոչ ենք անում անհապաղ 21-օրյա հրադադшր հաստատել Լիբանան-Իսրայել սահմանին. Արևմուտքը համատեղ հայտարարություն է տարածել