«Սա կարևոր քաղաքական հայտարարություն էր, որի կարիքն իսկապես այսօր ունենք»․ Միրզոյան
ՔաղաքականՄենք սերտացնում ենք մեր հարաբերությունները թե՛ ԱՄՆ-ի, թե՛ ԵՄ-ի հետ: Այս մասին Հանրայինի եթերում հայտարարել է ՀՀ արտաքին գործերի նախարար Արարատ Միրզոյանը:
ՀՀ ԱԳՆ ղեկավարն ապրիլի 5-ին Բրյուսելում կայացած հանդիպումը կարևորել է արծարծված ուղղությունների առումով. «Մի քանի ուղղություններ են նշվում, որոնք մեզ համար չափազանց կարևոր են՝ սկսած ՀՀ ինքնիշխանության և տարածքային ամբողջականության սատարումից։ Սա կարևոր քաղաքական հայտարարություն էր, որի կարիքն իսկապես այսօր ունենք»։
Նա նշել է, որ Բրյուսելում կայացած եռակողմ հանդիպման ժամանակ անվտանգային թեմաներ չեն քննարկվել, ռազմական բաղադրիչ չի եղել քննարկումների սեղանին։ Նախարարի խոսքով՝ քննարկվել են տնտեսական հարցեր, որոնց արդյունավետությունը հանգեցնելու է նաև անվտանգային բաղադրիչների կայունության։
«Բայց մյուս կողմից՝ այն ամենը, ինչի մասին խոսել ենք, նաև երկրի դիմակայնության ավելացման մասին է, որը ևս անվտանգային մաս է դառնում»,– ասել է Միրզոյանը։
Ամենադիտված 
Ջուր չի լինի նոյեմբերի՝ 25, 26 և 27-ին տասնյակ հասցեներում
