Հայտնի է, թե որ համարի ներքո ելույթ կունենա «Պատանի երաժիշտների Եվրատեսիլ» մրցույթին մասնակցող Հայկ Հեքեքյանը

«Պատանի երաժիշտների Եվրատեսիլ» մրցույթում Հայկ Հեքեքյանը ելույթ կունենա 5-րդ համարի ներքո։ Նա կկատարի Լ. Օգյուստ Լեբրունի կոնցերտ Հոբոյի և նվագախմբի համար թիվ 1, 1-ին մասը։

Մրցույթի հաղթող մասնակիցն ընտրվելու է ժյուրիի քվեարկությամբ, որի նախագահն է նորվեգացի դիրիժոր Թաբիթա Բերգլունդը։

Ժյուրիի կազմում են նաև հայազգի դաշնակահարուհի Մարիաննա Շիրինյանը, կլարնետահար Անդրեաս Սունդենը Շվեդիայից և հարվածային գործիքներ նվագող ավստրիացի Մարտին Գրուբինգերը:

«Պատանի երաժիշտների Եվրատեսիլի» բոլոր մասնակիցները ելույթ կունենան Նորվեգական ռադիոյի նվագախմբի հետ՝ Էյվինդ Օդլանդի ղեկավարությամբ։

Հետևեք մրցույթին օգոստոսի 17-ին՝ ժամը 23:00-ին, Առաջինի ուղիղ եթերում: