Ճապոնիայում թայֆունի պատճառով` ավելի քան 850 չվերթ է չեղարկվել
Հասարակություն
Ճապոնիայում ավելի քան 850 չվերթ է չեղարկվել մոտեցող «Ամպիլ» թայֆունի պատճառով, հայտնում է ՏԱՍՍ-ը՝ վկայակոչելով տեղական ավիաընկերությունների տվյալները։ Ճապոնական խոշոր ավիափոխադրողները, ինչպիսիք են JAL-ը և ANA-ն, չեղյալ են հայտարարել մոտ 650 չվերթ, մինչդեռ Jetstar Japan, Peach Aviation և այլ ավիաընկերությունները դադարեցրել են ևս 200 չվերթ:
NHK-ն հաղորդում է, որ դադարեցվել կամ կրճատվել են նաև գնացքների ծառայությունները Չիբա և Կանագավա պրեֆեկտուրաների ափամերձ տարածքներով անցնող մի քանի գծերով: Շինկանսենի երկաթուղային գնացքների որոշ երթուղիներ նույնպես դադարեցված են: Տոկիոյի տարածաշրջանի ճանապարհները փակ են, իսկ Տոկիոյի ծովածոցում լաստանավային ծառայությունները չեղյալ են հայտարարվել։
Կանխատեսվում է, որ թայֆունը Տոկիոյի տարածք կհասնի այսօր՝ օգոստոսի 16-ին։ Փոթորկի գոտում քամու պոռթկումների արագությունը հասնում է 45-60 մ/վրկ-ի, իսկ թայֆունին տրվել է «շատ ուժեղ» կարգավիճակ։ Ճապոնիայի արևելյան և հյուսիսարևելյան հատվածներում սպասվում է 200-300 մմ անձրև: Ազգային օդերեւութաբանական վարչությունը զգուշացնում է լեռնային շրջաններում սողանքների վտանգի մասին։
Տեղի իշխանությունները կոչ են անում քաղաքացիներին խուսափել տնից դուրս գալուց, եթե դա անհրաժեշտ չէ, և հետևել արտակարգ տարհանման ցուցումներին:
ՈՒՂԻՂ ԵԹԵՐ
Ամենադիտված 
Հայաստանը և Ադրբեջանը տարածքների փոխանակում պետք է իրականացնեն. Փաշինյան
