Հիմնանորոգված Մայր Տաճարն իր դռները կբացի սեպտեմբերի 29-ին
Բլոգոսֆերա
Հիմնանորոգված Մայր Տաճարը կրկին իր դռները կբացի սեպտեմբերի 29-ին: Այս մասին հայտնել է Մայր Աթոռ Սուրբ Էջմիածնի Քրիստոնեական դաստիարակության կենտրոնի տնօրեն Զաքարիա Ծայրագույն վարդապետ Բաղումյանը:
«Այսօր Շողակաթ Ս. Էջմիածնի տոնն է՝ ըստ Սբ. Գրիգոր Լուսավորչի տեսիլքի:
Ըստ Ագաթանգեղոսի` Ս. Գրիգոր Լուսավորչի տեսիլքում Քրիստոս երկնքից իջնում է ոսկե մուրճով և ցույց տալիս Մայր Տաճարի կառուցման տեղը: Այս տեսիլքը կոչվում է «Շողակաթ», քանզի Ս. Գրիգորը տեսնում է, թե ինչպե՛ս է երկնքից մի շող է կաթում:
Այսօր Մայր Տաճարի Նավակատիքի օրն է:
Միածնաէջ Մայր Տաճարը նվիրագործվել և օծվել է 303 թ. Ս. Աստվածածնի Վերափոխման տոնին:
Տիրոջ կամքով սեպտեմբերի 29-ին Ս. Տաճարը կրկին կբացի իր դռները՝ շարունակելով բաշխել դարավոր օրհնությունը մեր ժողովրդին»,-գրել է Զաքարիա Ծայրագույն վարդապետ Բաղումյանը:
Ամենադիտված 
Մնաս բարյավ. Րաֆֆի Հովհաննիսյան
